ಬದ್ಧತೆ ಇದ್ದರೆ ಯಶಸ್ಸು ಸಾಧ್ಯ :ಪ್ರೊ ಬಾಬು

ದಾವಣಗೆರೆ : ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಅಭ್ಯರ್ಥಿಗಳು ತಾವು ಏನಾಗಬೇಕು ಎಂಬ ಗುರಿಯೊಂದಿಗೆ ಬದ್ಧತೆಯಿಂದ ಶ್ರಮವಹಿಸಿ ಪ್ರಯತ್ನಪಟ್ಟರೆ ಅವರ ಗುರಿಯಲ್ಲಿ ಯಶಸ್ವಿಯಾಗಲು ಸಾಧ್ಯವಾಗುತ್ತದೆ ಎಂದು ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ಪ್ರೊಫೆಸರ್ ವೆಂಕಟೇಶ್ ಬಾಬು ರವರು ಹೇಳಿದರು.. ಅವರು ಇಂದು ನಗರದ ಗುರುಭವನದಲ್ಲಿ ಬೆಂಗಳೂರಿನ ಹರಿಪ್ರಸಾದ್ ಸ್ಪರ್ಧಾತ್ಮಕ ಪರೀಕ್ಷಾ ತರಬೇತಿ ಕೇಂದ್ರದ ವತಿಯಿಂದ ಆಯೋಜನೆಗೊಂಡಿದ್ದ ಉಚಿತ ಸ್ಪರ್ಧಾತ್ಮಕ ಪರೀಕ್ಷೆಗಳ ಕಾರ್ಯಾಗಾರವನ್ನು ಉದ್ಘಾಟಿಸಿ ಮಾತನಾಡಿದರು.

ವಿದ್ಯಾರ್ಥಿಗಳು ತಮ್ಮ ಗುರಿಯನ್ನು ಸ್ಪಷ್ಟವಾಗಿ ಕಂಡು ಅದರೆಡೆಗೆ ಪ್ರಯತ್ನಿಸಬೇಕು ಪ್ರಯತ್ನದಲ್ಲಿ ಸೋಲಾದರೆ ಸುಮ್ಮನಿರದೆ ಮತ್ತೆ ಮರಳಿ ಯತ್ನವ ಮಾಡಬೇಕು ಆಗ ಗುರಿ ಸಾಧನೆಯೆಡೆಗೆ ನಡೆಯಬಹುದು ಎಂದು ಹೇಳಿದರು.
ಇಂದು ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಉದ್ಯೋಗಾವಕಾಶಗಳು ಹೇರಳವಾಗಿವೆ ಆದರೆ ಅವುಗಳಿಗೆ ತಕ್ಕಂತೆ ಕೌಶಲ್ಯಗಳನ್ನು ಬೆಳೆಸಿಕೊಂಡು ಪರೀಕ್ಷೆಗಳನ್ನು ಎದುರಿಸಿದರೆ ಇದರಲ್ಲಿ ಯಶಸ್ವಿಯಾಗಬಹುದು ಪ್ರತಿ ಉದ್ಯೋಗವೂ ತನ್ನದೇ ಆದ ಕೌಶಲ್ಯವನ್ನು ಹೊಂದಿರುತ್ತದೆ ಅವುಗಳಿಗೆ ತಕ್ಕಂತಹ ಪರೀಕ್ಷೆಗಳು ಕೂಡ ಇರುತ್ತವೆ ಆ ಪರೀಕ್ಷೆಗಳನ್ನು ಎದುರಿಸಲು ಸ್ಪಷ್ಟ ತಯಾರಿಯ ಅವಶ್ಯಕತೆ ಇರುತ್ತದೆ ತಯಾರಾಗದೆ ಯಾವುದೇ ಪರೀಕ್ಷೆಗಳನ್ನು ಎದುರಿಸಬಾರದು ಇದರಿಂದ ಸೋಲಾಗುತ್ತದೆ ಒಮ್ಮೆ ಸೋತರೆ ಮನುಷ್ಯನು ಮತ್ತೊಮ್ಮೆ ಪ್ರಯತ್ನಿಸುವುದು ಕಡಿಮೆ ಹಾಗಾಗಿ ಉದ್ಯೋಗಕ್ಕೆ ತಯಾರಾಗುವಾಗ ಸ್ಪಷ್ಟವಾದ ಗುರಿಯೊಂದಿಗೆ ಪ್ರಯತ್ನ ಪಡಬೇಕು ಎಂದು ಹೇಳಿದರು .

ಪ್ರತಿಯೊಬ್ಬ ಸ್ಪರ್ಧಾರ್ಥಿಗಳು ಉನ್ನತಮಟ್ಟದ ಹುದ್ದೆಯನ್ನು ಪಡೆದು ಸಮಾಜಕ್ಕೆ ಕೊಡುಗೆ ನೀಡಿ ಉತ್ತಮ ನಾಗರೀಕರಾಗಿ ಬಾಳಬೇಕೆಂದು ಹಾರೈಸಿದರು .
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಹರಿಪ್ರಸಾದ್ ಸಂಸ್ಥೆಯ ನಿರ್ದೇಶಕರಾದ ಶ್ರೀ ಹರಿ ಪ್ರಸಾದ್ ರವರು ಮಾತನಾಡುತ್ತಾ ಉನ್ನತ ಅಧಿಕಾರಿಗಳನ್ನು ಸಮಾಜಕ್ಕೆ ಕೊಡುಗೆ ನೀಡುವ ದೃಷ್ಟಿಯಿಂದ ಕಾರ್ಯಗಾರವನ್ನು ಹಮ್ಮಿಕೊಂಡಿದ್ದೇವೆ ಇದರ ಉಪಯೋಗವನ್ನು ಇಲ್ಲಿನ ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಅಭ್ಯರ್ಥಿಗಳು ಪಡೆದುಕೊಂಡು ಯಶಸ್ವಿಯಾಗಬೇಕು ಎಂದು ಹೇಳಿದರು .
ಪ್ರಸ್ತಾವಿಕವಾಗಿ ಪಾರ್ಶ್ವನಾಥ್ ಮಾತನಾಡಿದರು ಬಸವರಾಜ್ ನಿರೂಪಿಸಿದರೆ ತುಪ್ಪದಮ್ಮ ಪ್ರಾರ್ಥನೆ ಗೀತೆ ಹಾಡಿದರು ಹಾಗೂ ಸಂಸ್ಥೆಯ ಎಲ್ಲಾ ಸಿಬ್ಬಂದಿಯವರು ಉಪಸ್ಥಿತರಿದ್ದರು