Gmit Administrative Meet: ಜಿಎಂಐಟಿ ಕಾಲೇಜು ಆಡಳಿತ ಮಂಡಳಿ ಸಭೆ | ಹಲವು ವಿಚಾರಗಳ ಬಗ್ಗೆ ಚರ್ಚೆ – ಡಾ. ವೈ ವಿಜಯಕುಮಾರ್
ದಾವಣಗೆರೆ: ಇತ್ತೀಚೆಗಷ್ಟೆ ಜಿಎಂಐಟಿ ಮಹಾವಿದ್ಯಾಲಯದ ಆಡಳಿತ ಮಂಡಳಿಯ ಸಭೆಯು ಬೆಂಗಳೂರಿನ ರಿನೈಸೆನ್ಸ್ ಹೋಟೆಲ್ ನಲ್ಲಿ ನಡೆಯಿತು.
ಸಭೆಯಲ್ಲಿ ವಿದ್ಯಾರ್ಥಿಗಳ ಶಿಕ್ಷಣ ಗುಣಮಟ್ಟ, ಕೈಗಾರಿಕೆಗಳಿಗೆ ಬೇಕಾದ ಕೌಶಲ್ಯಾಭಿವೃದ್ಧಿ, ಸಂಶೋಧನೆ, ಶೈಕ್ಷಣಿಕ ಶ್ರೇಷ್ಠತೆ, ಕೈಗಾರಿಕೆಗಳ ಒಡಂಬಡಿಕೆ, ಉದ್ಯೋಗವಕಾಶ ಹೀಗೆ ಹಲವು ವಿಚಾರಗಳ ಬಗ್ಗೆ ಚರ್ಚೆ ನಡೆಸಲಾಯಿತು ಎಂದು ಪ್ರಾಂಶುಪಾಲರಾದ ಡಾ. ವೈ ವಿಜಯಕುಮಾರ್ ತಿಳಿಸಿದ್ದಾರೆ.
ಜಿಎಂಐಟಿಯನ್ನು ವಿಶ್ವವಿದ್ಯಾಲಯವನ್ನಾಗಿ ಪರಿವರ್ತಿಸಲು ಬೇಕಾದ ಅವಶ್ಯಕತೆಗಳು ಮತ್ತು ಯಾವ ರೀತಿಯ ಸವಾಲುಗಳು ಮತ್ತು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು ಎಂದು ಸಭೆಯಲ್ಲಿ ಚರ್ಚಿಸಲಾಯಿತು.
ಸಭೆಯಲ್ಲಿ ಛೇರ್ಮನ್ ಜಿ.ಎಂ ಲಿಂಗರಾಜು, ಆಡಳಿತ ಸದಸ್ಯರುಗಳಾದ ಡಾ.ಕೆ ದಿವ್ಯಾನಂದ, ಡಾ. ಜಾಕೋಬ್ ಕ್ರಾಸ್ತ,ವಿದ್ಯಾಶಂಕರ್, ಡಾ. ಶಶಿಧರ್ ಎಸ್ ಎಂ, ಡಾ.ಪಿ. ಬಿ. ಕೊಟ್ಟೂರು, ಡಾ. ಎಸ್. ರಾಮಚಂದ್ರ, ಡಾ. ಕೆ.ಎಂ. ಸುಬ್ರಹ್ಮಣ್ಯ, ತೇಜಸ್ವಿ ಕಟ್ಟಿಮನಿ ಟಿ.ಆರ್, ಖಜಾಂಚಿಗಳಾದ ಅನಿತ್ ಕುಮಾರ್, ಈ.ಎಲ್‌. ರಾಜೀವ್, ಜಿ. ಪಿ ಮಲ್ಲಿಕಾರ್ಜುನ್, ಸದಸ್ಯ ಕಾರ್ಯದರ್ಶಿಗಳಾಗಿ ಡಾ.ವೈ ವಿಜಯ ಕುಮಾರ್ ಸಭೆಯಲ್ಲಿ ಉಪಸ್ಥಿತರಿದ್ದರು.
