ಸ್ಟ್ರಾಂಗ್ ಮ್ಯಾನ್ ಆಫ್ ಯೂನಿವರ್ಸಿಟಿ ಪ್ರಶಸ್ತಿ ಪಡೆದ ದಾವಣಗೆರೆಯ ಮಂಜುನಾಥ್
ದಾವಣಗೆರೆ: ದಾವಣಗೆರೆ ವಿಶ್ವವಿದ್ಯಾಲಯದ ಸಹಯೋಗದಲ್ಲಿ ನಗರದ ಶ್ರೀ ಮಂಜುನಾಥ ಸ್ವಾಮಿ ಪ್ರಥಮ ದರ್ಜೆ ಕಾಲೇಜು ಆವರಣದಲ್ಲಿ ನಡೆದ ಭಾರ ಎತ್ತುವ, ದೇಹದಾರ್ಢ್ಯ ಅಂತರ್ ಕಾಲೇಜು ಸ್ಪರ್ಧೆಯಲ್ಲಿ ಶ್ರೀ ಮಂಜುನಾಥಸ್ವಾಮಿ ಪ್ರಥಮ ದರ್ಜೆ ಕಾಲೇಜಿನ ಪ್ರಥಮ ಬಿಎ ವಿದ್ಯಾರ್ಥಿ ಡಿ. ಮಂಜುನಾಥ್ ಪವರ್ ಲಿಫ್ಟಿಂಗ್‌ನಲ್ಲಿ, ೫೯ಕೆಜಿ ವಿಭಾಗದಲ್ಲಿ ಮೊದಲನೇ ಸ್ಥಾನ ಪಡೆದು, ಸ್ಟ್ರಾಂಗ್ ಮ್ಯಾನ್ ಆಫ್ ಯೂನಿವರ್ಸಿಟಿ ಪ್ರಶಸ್ತಿ ಪಡೆದರು.
ಬಾಡಿ ಬಿಲ್ಡಿಂಗ್‌ನಲ್ಲಿ, ೬೦ ಕೆಜಿ ವಿಭಾಗದಲ್ಲಿ ಮೊದಲನೇ ಸ್ಥಾನ ಪಡೆದು, ಮಿಸ್ಟರ್ ಡಿವಿಜಿ ಯೂನಿವರ್ಸಿಟಿ ಟೈಟಲ್ ಪಡೆದರು. ಅಲ್ಲದೆ ಭಾರ ಎತ್ತುವ ಸ್ಪರ್ಧೆಯ ೬೦ ಕೆಜಿ ವಿಭಾಗದಲ್ಲಿಯೂ ಕೂಡ ಮಂಜುನಾಥ್ ಮೊದಲ ಸ್ಥಾನ ಪಡೆದಿದ್ದಾರೆ.
ಅದೇ ರೀತಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಮೊದಲನೇ ವರ್ಷದ ಬಿಕಾಂ ವ್ಯಾಸಂಗ ಮಾಡುತ್ತಿರುವ ಮುಕ್ತಿ, ಭಾರ ಎತ್ತುವ ಸ್ಪರ್ಧೆಯ ೪೫ ಕೆಜಿ ವಿಭಾಗದಲ್ಲಿ ಮೊದಲನೆ ಸ್ಥಾನ, ಪವರ್ ಲಿಪ್ಟಿಂಗ್ ನಲ್ಲಿ ೪೭ ಕೆಜಿ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆದಿದ್ದಾರೆ.
