Owl Rescued: ಗಾಯಗೊಂಡ ಗೂಬೆಯನ್ನು ರಕ್ಷಿಸಿದ ನಗರವಾಸಿಗಳು
ದಾವಣಗೆರೆ: ಗಾಯಗೊಂಡು ಅಸ್ವಸ್ಥವಾಗಿ ಬಿದ್ದಿದ್ದ ಗೂಬೆ ಪಕ್ಷಿಯನ್ನು ರಕ್ಷಿಸಿ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ಒಪ್ಪಿಸಿದ ಘಟನೆ ನಗರದ ಎಂ.ಸಿ.ಸಿ ‘ಬಿ’ ಬ್ಲಾಕ್ ಬಳಿ ನಡೆದಿದೆ.
ಗಾಯಗೊಂಡು ಹಾರಲಾಗದೆ ಅಸ್ವಸ್ತಗೊಂಡಿದ್ದ ಗೂಬೆಯು ಜನರನ್ನು ಕಂಡು ಭಯದಿಂದ ಕುಂಟು ಕಾಲಿನಲ್ಲಿ ಓಡಾಡುತ್ತ ಹಾರಲು ಯತ್ನಿಸುತ್ತಿತ್ತು. ಕಡೆಗೆ ನಗರವಾಸಿಗಳಾದ ನಿಂಗರಾಜ್, ಆನೆ ಸಿದ್ದ ಹಾಗೂ ಎಂ.ಜಿ.ಶ್ರೀಕಾಂತ್ ಅವರು ಗೂಬೆಯನ್ನು ಹಿಡಿದು ಅರಣ್ಯ ಇಲಾಖೆಗೆ ಒಪ್ಪಿಸಿದರು. ಅದಕ್ಕೆ ಸರಿಯಾದ ಚಿಕಿತ್ಸೆ ನೀಡಿ ಬಳಿಕ ಕುಂದುವಾಡ ಕೆರೆಬಳಿ ಬಿಡಲಾಯಿತು.
