Vision 2030: ಸಂಸದರಾಗಿ ಡಾ. ಪ್ರಭಾ ಮಲ್ಲಿಕಾರ್ಜುನ್ 1 ವರ್ಷ ಪೂರೈಕೆ; ವಿಜನ್ ದಾವಣಗೆರೆ-2030 ಹೆಸರಿನಲ್ಲಿ ಚಿತ್ರಕಲಾ ಸ್ಪರ್ಧೆ
ದಾವಣಗೆರೆ; ( Vision 2030) ಡಾ.ಪ್ರಭಾ ಮಲ್ಲಿಕಾರ್ಜುನ್ ಅವರು ಸಂಸದರಾಗಿ 1 ವರ್ಷ ಯಶಸ್ವಿಯಾಗಿ ಪೂರೈಸಿದ ಹಿನ್ನೆಲೆಯಲ್ಲಿ ದಾವಣಗೆರೆ ಲೋಕಸಭಾ ಕ್ಷೇತ್ರದ ನಾಗರೀಕರಿಗಾಗಿ ಟೀಮ್ ಪ್ರಭಾ ವಿಕಾಸ್ ತಂಡದಿಂದ ದಾವಣಗೆರೆ- 2030 ನನ್ನ ಕನಸು,ನನ್ನ ನಗರ ಥೀಮ್ ನಲ್ಲಿ ಆನ್‌ಲೈನ್ ಚಿತ್ರಕಲಾ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ.
ಸಂಸದರಾದ ಡಾ.ಪ್ರಭಾ ಮಲ್ಲಿಕಾರ್ಜುನ್ ಅವರ 1 ವರ್ಷದ ಸಾರ್ವಜನಿಕ ಸೇವೆಯ ಸಂಭ್ರಮ ಸಾರ್ವಜನಿಕರ ದೃಷ್ಟಿಕೋನದಲ್ಲಿ ದಾವಣಗೆರೆ ಹೇಗಿರಬೇಕು ಹಾಗೂ ಅಭಿವೃದ್ಧಿ ಪಥದತ್ತ ದಾವಣಗೆರೆ ಹೇಗೆ ಬದಲಾಗಬೇಕು ಎಂಬುದಕ್ಕೆ ಸ್ಪರ್ಧೆಯು ನಡೆಯಲಿದೆ.
ವಯೋಮಿತಿ 7–14 ವರ್ಷ, 15–20 ವರ್ಷ,21–24 ವರ್ಷ ಹಾಗೂ 25 ವರ್ಷ ಮತ್ತು ಮೇಲ್ಪಟ್ಟವರು ಸ್ಪರ್ಧೆಯಲ್ಲಿ ಭಾಗಿಯಾಗಬಹುದು. ಪ್ರತಿ ವಿಭಾಗದಲ್ಲಿ ಮೊದಲ ಬಹುಮಾನ – ರೂ.5,000 ಹಾಗೂ ಪ್ರಮಾಣಪತ್ರ, ಎರಡನೇ ಬಹುಮಾನ – ರೂ.3,000 ಹಾಗೂ ಪ್ರಮಾಣಪತ್ರ ಒಳಗೊಂಡಿದೆ.
ಚಿತ್ರ ರಚನೆಗೆ ನಿಯಮಿತ ಪೆನ್ಸಿಲ್‌ಗಳು, ಕ್ರಯೋನ್‌ಗಳು, ಜಲವರ್ಣಗಳು, ಸ್ಕೆಚ್ ಪೆನ್ನುಗಳು, ಅಕ್ರಿಲಿಕ್ ಬಣ್ಣಗಳು, ಆಯಿಲ್ ಪೇಂಟ್, ಗ್ರ್ಯಾಫೈಟ್ ಪೆನ್ಸಿಲ್‌ಗಳು, ಸ್ವರೂಪ ಮತ್ತು ಗಾತ್ರ
ಪೇಪರ್ ಅಥವಾ ಕ್ಯಾನ್ವಾಸ್ ನಲ್ಲಿ ಚಿತ್ರ ಕಲೆ ರಚಿಸಬೇಕಿದೆ.ತಮ್ಮ ಕಲಾಕೃತಿಯನ್ನು ಉತ್ತಮ ಗುಣಮಟ್ಟದಲ್ಲಿ ಸ್ಕ್ಯಾನ್ ಮಾಡಬೇಕು ಅಲ್ಲದೆ ಪ್ರತಿ ಸ್ಪರ್ಧಿಯು ತಮ್ಮ ಪೂರ್ಣ ಹೆಸರು, ಹುಟ್ಟಿದ ದಿನಾಂಕ, ವಯೋಮಿತಿ, ಶಾಲೆ,ಕಾಲೇಜು ಹೆಸರು, 25 ಮೇಲ್ಪಟ್ಟರಿಗೆ ಶೈಕ್ಷಣಿಕ ಅರ್ಹತೆ, ಸಂಪರ್ಕ ಸಂಖ್ಯೆ, ಕಲಾಕೃತಿಯ ಶೀರ್ಷಿಕೆ ಯೊಂದಿಗೆ ನಿಮ್ಮ ರೇಖಾಚಿತ್ರದ ಸಂಕ್ಷಿಪ್ತ ವಿವರಣೆಯು 300 ಪದಗಳನ್ನು ಮೀರದಂತೆ ಇರಬೇಕು. ಸಿದ್ದವಾದ ಚಿತ್ರದ ಛಾಯಾಚಿತ್ರ ತೆಗೆಯಬೇಕು ಕನಿಷ್ಠ 200 ಪಿಕ್ಸೆಲ್‌ಗಳನ್ನು ಒಳಗೊಂಡ ಚಿತ್ರವನ್ನು ಇ- ಮೇಲ್ ಸಲ್ಲಿಸಬೇಕು.
ತೀರ್ಪುಗಾರರ ನಿರ್ಧಾರವು ಅಂತಿಮ ಮತ್ತು ಬದ್ಧವಾಗಿದ್ದು ಯಾವುದೇ ಆಫ್‌ಲೈನ್ ಸಲ್ಲಿಕೆಗಳನ್ನು ಸ್ವೀಕರಿಸಲಾಗುವುದಿಲ್ಲ. ಸ್ಪರ್ಧಾಳುಗಳು 4ನೇ ಜೂನ್ 2025, ರಾತ್ರಿ 11:59 ಕ್ಕೆ ಮೊದಲು ಕಲಾಕೃತಿಯನ್ನು drprabhacoloursdavangere@gmail.com ಇಲ್ಲಿಗೆ ಇಮೇಲ್ ಮಾಡಬೇಕು.
ಹೆಚ್ಚಿನ ಮಾಹಿತಿಗಾಗಿ: 9980769117 ಸಂಪರ್ಕಿಸಲು
ಟೀಮ್ ಪ್ರಭಾ ವಿಕಾಸ್ ಅವರು ಪ್ರಕಟಣೆಯಲ್ಲಿ ತಿಳಿಸಿದೆ.
