ದುಡ್ಡು ಕೊಟ್ಟರೆ ಮಾತ್ರ ಓಟು ಕೊಡುತ್ತೇವೆ ಎನ್ನುವ ವಾತಾವರಣ ಈಗಿಲ್ಲ. ವಿಶ್ವಾಸಕ್ಕೆ ಬೆಲೆ ಕೊಡುವ ಗ್ರಾಪಂ ಸದಸ್ಯರು ನಮ್ಮ ನಡುವೆ ಇದ್ದಾರೆ.! ಕೆ.ಎಸ್. ನವೀನ್

ದಾವಣಗೆರೆ: ದುಡ್ಡು ಕೊಟ್ಟರೆ ಮಾತ್ರ ಓಟು ಕೊಡುತ್ತೇವೆ ಎನ್ನುವ ವಾತಾವರಣ ಈಗಿಲ್ಲ. ವಿಶ್ವಾಸಕ್ಕೆ ಬೆಲೆ ಕೊಡುವ ಗ್ರಾಪಂ ಸದಸ್ಯರು ನಮ್ಮ ನಡುವೆ ಇದ್ದಾರೆ ಎಂದು ವಿಪ ಅಭ್ಯರ್ಥಿ ಕೆ.ಎಸ್. ನವೀನ್ ಹೇಳಿದರು.

ಜಿಎಂಐಟಿ ಅತಿಥಿ ಗೃಹದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಪಂಚಾಯತ್ ಸದಸ್ಯರೆಲ್ಲರೂ ತಮಗೆ ಮತ ನೀಡುತ್ತಾರೆಂಬ ನಂಬಿಕೆಯಿದೆ ಎಂದರು. ಬೇರೆ ಯಾವ ಪಕ್ಷದವರು ಮಾಡದ ಗ್ರಾಮಸ್ವರಾಜ್, ಗ್ರಾಮಸೇವಕ ಕಾರ್ಯಕ್ರಮಗಳನ್ನು ನಮ್ಮ ಪಕ್ಷದಿಂದ ಮಾಡಲಾಯಿತು. ಈ ಬಾರಿ ಒಳ್ಳೆಯ ವಾತಾವರಣವಿದ್ದು, ಗೆಲ್ಲುವ ವಿಶ್ವಾಸವಿದೆ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಶಾಸಕರಾದ ಎಸ್.ವಿ. ರಾಮಚಂದ್ರ, ಪ್ರೊ. ಲಿಂಗಣ್ಣ, ಮಾಜಿ ಸಚೇತಕ ಡಾ. ಎ.ಹೆಚ್. ಶಿವಯೋಗಿಸ್ವಾಮಿ, ಬಿಜೆಪಿ ರಾಜ್ಯಪ್ರಧಾನ ಕಾರ್ಯದರ್ಶಿ ಎನ್. ರವಿಕುಮಾರ್, ಮೇಯರ್ ಎಸ್.ಟಿ. ವೀರೇಶ್, ಬಿಜೆಪಿ ಜಿಲ್ಲಾಧ್ಯಕ್ಷ ವೀರೇಶ್ ಹನಗವಾಡಿ, ಮಾಜಿ ಶಾಸಕ ಎಂ. ಬಸವರಾಜ್ ನಾಯ್ಕ್, ದೂಡಾ ಅಧ್ಯ್ಕಷ ದೇವರಮನಿ ಶಿವಕುಮಾರ್, ಶಿವರಾಜ್ ಪಾಟೇಲ್, ಮಾಧ್ಯಮ ಪ್ರಮುಖ್ ವಿಶ್ವಾಸ್ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.