ದ್ವಿಚಕ್ರ ವಾಹನ ಕಳ್ಳನ ಎಡೆಮುರಿ ಕಟ್ಟಿದ ದಾವಣಗೆರೆ ಗಾಂಧಿನಗರ ಪೊಲೀಸರು.! 6 ದ್ವಿಚಕ್ರ ವಾಹನಗಳು ವಶ

ದಾವಣಗೆರೆ : ನಗರದಲ್ಲಿ ದ್ವಿಚಕ್ರ ವಾಹನಗಳ Two Wheeler Bikes Theft ಕಳ್ಳತನ ಮಾಡುತ್ತಿದ್ದ ಕಳ್ಳನೊಬ್ಬನನ್ನು ದಾವಣಗೆರೆ ಪೊಲೀಸರು Davanagere Police ಬಂಧಿಸಿದ್ದು, ಆರೋಪಿತನಿಂದ ಬರೋಬ್ಬರಿ 6 ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.

ದಾವಣಗೆರೆ ನಗರದ ಗಾಂಧಿನಗರ, ಬಡಾವಣೆ, ಆಜಾದ್‌ ನಗರ ಪೊಲೀಸ್ ಠಾಣೆಗಳಲ್ಲಿ ದಾಖಲಾಗಿದ್ದ 05 ಬೈಕ್ ಕಳ್ಳತನ ಪ್ರಕರಣಗಳು ಪತ್ತೆಯಾಗಿದ್ದು, ಒಟ್ಟು 06 ಬೈಕ್‌ಗಳನ್ನು ವಶಪಡಿಸಿಕೊಳ್ಳಲಾಗಿರುತ್ತದೆ. ಈ ಬೈಕ್ ಗಳ ಮೌಲ್ಯ ಒಟ್ಟು 1,60,000/- ರೂ. ಎಂದು ಅಂದಾಜಿಸಲಾಗಿದೆ. ಆರೋಪಿತನನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಈ ಪ್ರಕರಣದ ಪತ್ತೆ ಕಾರ್ಯದಲ್ಲಿ ಕಾರ್ಯನಿರ್ವಹಿಸಿದ ಪೊಲೀಸ್ ಅಧಿಕಾರಿ ಹಾಗೂ ಸಿಬ್ಬಂದಿಗಳನ್ನು ಪೊಲೀಸ್ ಅಧೀಕ್ಷಕರಾದ ರಿಷ್ಯಂತ್ ಸಿ. ಬಿ ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಬಸರಗಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಬೈಕ್ ಪತ್ತೆ ಕಾರ್ಯಕ್ಕಾಗಿ ಪೊಲೀಸ್ ಉಪಾಧಿಕ್ಷಕರಾದ ನರಸಿಂಹ ತಾಮ್ರಧ್ವಜ ವೃತ್ತ ನಿರೀಕ್ಷಕ ಗಜೇಂದ್ರಪ್ಪ, ಗಾಂಧಿ ನಗರ ಪೊಲೀಸ್ ಠಾಣೆಯ ಪಿಎಸ್ಐ ಪ್ರಮಿಳಮ್ಮ, ಶಮಿಮ್ ಉನ್ನಿಸ, ನರೇಶ್, ನಿಂಗಣ್ಣ, ಅಸ್ಕರ್ ಅಲಿ, ಖಾಜಾ ಹುಸೇನಿ ಅತ್ತಾರ, ಮಂಜುನಾಥ್, ಲಕ್ಷ್ಮೀದೇವಿ ಅವರನ್ನೊಳಗೊಂಡ ತಂಡವನ್ನು ರಚಿಸಲಾಗಿತ್ತು.