ದಾಖಲೆಯಿಲ್ಲದ 39 ಲಕ್ಷ ಮೌಲ್ಯದ ಬೆಳ್ಳಿ ವಸ್ತು ಬಿಎಂಬ್ಲ್ಯೂ ಕಾರ್ ವಶಕ್ಕೆ ಪಡೆದ ದಾವಣಗೆರೆ ಚುನಾವಣಾಧಿಕಾರಿಗಳು
ದಾವಣಗೆರೆ: ಚುನಾವಣೆ ಹತ್ತಿರವಾಗುತ್ತಿದ್ದಂತೆ ಅಕ್ರಮಗಳ ಸಂಖ್ಯೆ ಹೆಚ್ಚುತ್ತಿದೆ. ದಾವಣಗೆರೆ ಜಿಲ್ಲೆಯ ಮಾಯಕೊಂಡ ವಿಧಾನಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಹೆಬ್ಬಾಳು ಟೋಲ್ ಗೇಟ್‍ನಲ್ಲಿರುವ ಚಕ್ ಪೋಸ್ಟ್ ನಲ್ಲಿ 39 ಲಕ್ಷ ಮೌಲ್ಯದ ಬೆಳ್ಳಿ ವಸ್ತುಗಳನ್ನು ಸಿಬ್ಬಂದಿ ವಶಕ್ಕೆ ಪಡೆದಿದ್ದಾರೆ.
ಕಾರಿನ ಡಿಕ್ಕಿಯಲ್ಲಿ 5 ರಟ್ಟಿನ ಬಾಕ್ಸಿನಲ್ಲಿ ಇದ್ದು ಯಾವುದೇ ದಾಖಲೆಗಳಿಲ್ಲದ 66.786 ಕೆಜಿ ತೂಕದ ಅಂದಾಜು ರೂ 3900000/- ಮೌಲ್ಯದ ಬೆಳ್ಳಿ ಆಭರಣಗಳನ್ನು ಸೀಜ್ ಮಾಡಲಾಗಿದೆ.
ಆಭರಣಗಳನ್ನು ಮುಂದಿನ ಕ್ರಮಕ್ಕಾಗಿ ದಾವಣಗೆರೆಯ ಗ್ರಾಮಾಂತರ ಪೋಲೀಸ್ ಠಾಣೆಗೆ ಒಪ್ಪಿಸಿ ಮಾಯಕೊಂಡ ವಿಧಾನಸಭಾ ಕ್ಷೇತ್ರದ ಎಸ್‍ಎಸ್‍ಟಿ ತಂಡದಿಂದ ದೂರು ದಾಖಲಿಸಲಾಗಿದೆ.
