E-R IGP: ಡಾ.ಕೆ.ತ್ಯಾಗರಾಜನ್ ಐಪಿಎಸ್ ಪೂರ್ವ ವಲಯದ ಪ್ರಭಾರ ಐಜಿಪಿ ಯಾಗಿ ನೇಮಿಸಿ ಆದೇಶಿಸಿದ ಸರ್ಕಾರ
ದಾವಣಗೆರೆ: ಡಾ. ಕೆ. ತ್ಯಾಗರಾಜನ್, ಐಪಿಎಸ್, ಡೆಪ್ಯೂಟಿ ಇನ್ಸ್‌ಪೆಕ್ಟರ್ ಜನರಲ್ ಆಪ್ ಪೊಲೀಸ್, ನೇಮಕಾತಿ, DIG RECRUITMENT ಬೆಂಗಳೂರು Bangalore ಇವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಹಾಗೂ ಮುಂದಿನ ಆದೇಶದವರೆಗೆ ಇನ್ಸ್‌ಪೆಕ್ಟರ್ ಜನರಲ್ ಆಫ್ ಪೊಲೀಸ್, ಪೂರ್ವ ವಲಯ, (ಐಜಿಪಿ) IGP EASTERN RANGE ದಾವಣಗೆರೆ, Davanagere ಹುದ್ದೆಯ ಹೆಚ್ಚುವರಿ ಪ್ರಭಾರದಲ್ಲಿರಿಸಿ ಆದೇಶಿಸಲಾಗಿದೆ. ಶ್ರೀ ಎನ್. ಸತೀಶ್ ಕುಮಾರ್, ಐಪಿಎಸ್, ಇನ್ಸ್‌ಸೆಕ್ಟರ್ ಜನರಲ್ ಆಫ್ ಪೊಲೀಸ್, ಉತ್ತರ ವಲಯ, ಬೆಳಗಾವಿ IGP NORTH RANGE ಇವರನ್ನು ಸದರಿ ಹುದ್ದೆಯ ಹೆಚ್ಚುವರಿ ಪ್ರಭಾರದ ಉಲ್ಲೇಖಿತ ಆದೇಶವನ್ನು ಈ ತಕ್ಷಣದಿಂದ ಜಾರಿಗೆ ಬರುವಂತೆ ರದ್ದುಗೊಳಿಸಲಾಗಿದೆ.
ಈ ಮೇಲ್ಕಂಡ ಅಧಿಕಾರಿಯವರು ಪ್ರಭಾರವನ್ನು ವಹಿಸಿಕೊಂಡ ಬಗ್ಗೆ ಕಛೇರಿಗೆ ಪಾಲನಾ ವರದಿಯನ್ನು ಸಲ್ಲಿಸುವುದು, ಪೊಲೀಸ್ ಮಹಾ ನಿರ್ದೇಶಕರು ಮತ್ತು ಆರಕ್ಷಕ ಮಹಾ ನಿರೀಕ್ಷಕರು DG & IGP ಇವರ ಪರವಾಗಿ ಡಾ. ಎಂ ಎ ಸಲೀಂ ಐಪಿಎಸ್ ಆದೇಶಿಸಿದ್ದಾರೆ.
ದಾವಣಗೆರೆ ಜಿಲ್ಲೆಯಲ್ಲಿರುವ ಪೂರ್ವ ವಲಯ ಐಜಿಪಿ ಕೇಂದ್ರ ಕಚೇರಿ ದಾವಣಗೆರೆ, ಚಿತ್ರದುರ್ಗ, ಹಾವೇರಿ,ಶಿವಮೊಗ್ಗ ಸೇರಿದಂತೆ ನಾಲ್ಕು ಜಿಲ್ಲೆಗಳು ಬರುತ್ತವೆ. ಕಳೇದ ಮೂರು ವರ್ಷಗಳಿಂದ‌ಪೂರ್ವ ವಲಯ ಐಜಿಪಿ ಕಚೇರಿಗೆ ಪ್ರಭಾರಿ ಹುದ್ದೆಯಲ್ಲಿ ಮೂವರು ಐಪಿಎಸ್ ಅಧಿಕಾರಿಗಳನ್ನ ಸರ್ಕಾರ ನೇಮಕ ಮಾಡಿದೆ. ಪೂರ್ಣ ಪ್ರಮಾಣದ ಹುದ್ದೆಗೆ ಯಾವ ಐಪಿಎಸ್ ಅಧಿಕಾರಿ ಬರುತ್ತಿಲ್ಲವೋ ಅಥವಾ ಸರ್ಕಾರ ನೇಮಕ ಮಾಡುತ್ತಿಲ್ಲವೋ ತಿಳಿಯದಂತಾಗಿದೆ.
ಒಟ್ಟಾರೆ ನೂತನ ಪ್ರಭಾರಿ ಪೂರ್ವ ವಲಯ ಐಜಿಪಿ ಡಾ. ತ್ಯಾಗರಾಜನ್ ಉತ್ತಮ ಹೆಸರು ಮಾಡಿದ್ದಾರೆ ಎಂದು ಸಾರ್ವಜನಿಕ ವಲಯ ಹಾಗೂ ಪೋಲಿಸ್ ಇಲಾಖೆಯಲ್ಲಿ ಮಾತನಾಡುತ್ತಿದ್ದಾರೆ.
