ಚನ್ನಗಿರಿಯಲ್ಲಿ ಕಾಡಾನೆ ದಾಳಿ .! ಓರ್ವ ಯುವತಿ ಸಾವು

ದಾವಣಗೆರೆ: ಜಮೀನಿನಲ್ಲಿ 16 ವರ್ಷದ ಬಾಲಕಿ ಮೇಲೆ ಕಾಡಾನೆ ದಾಳಿಯಿಂದ 16 ವರ್ಷದ ಬಾಲಕಿ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ನಡೆದಿದೆ. ದಾವಣಗೆರೆ ಜಿಲ್ಲೆ ಚನ್ನಗಿರಿ ತಾಲೂಕಿನ ಸೋಮ್ಲಾಪುರ, ಜಕ್ಕಲಿ, ಚನ್ನಾಪುರ, ಕಗತೂರು ಗ್ರಾಮಗಳ ಸುತ್ತಮುತ್ತ ಕಾಡಾನೆ ಸಂಚರಿಸುತ್ತಿದೆ. ಜಮೀನುಗಳಲ್ಲಿ ಕಾಡಾನೆಗಳು ಓಡಾಡುತ್ತಿರುವ ಬಗ್ಗೆ ಗ್ರಾಮಸ್ಥರು ತಿಳಿಸಿದ್ದಾರೆ. ಆನೆಗಳ ದಾಳಿಯಿಂದ ಗ್ರಾಮಸ್ಥರು ಆತಂಕಗೊಂಡಿದ್ದಾರೆ. ಮೊದಲು ಸೋಮಲಾಪುರ ಬಳಿ ಕಾಣಿಸಿಕೊಂಡ ಆನೆಗಳ ಹಿಂಡು.

ಗ್ರಾಮಕ್ಕೆ ನುಗ್ಗಿರುವ ಆನೆಗಳು ಸೂಳೆಕೆರೆ ಗ್ರಾಮದಲ್ಲಿ ಸಂಚಾರ ನಡೆಸುತ್ತಿವೆ. ಆನೆ ಓಡಿಸುವ ಕಾರ್ಯಾಚರಣೆ ಶುರು ಮಾಡಿಸಿರುವ ಅರಣ್ಯ ಇಲಾಖೆ. ಸ್ವಂತ ಜಮೀನಿಗೆ ಅವರೆ ಕಾಯಿ ಬಿಡಿಸಲು ಹೋದಾಗ ಆನೆ ದಾಳಿಯಾಗಿದ್ದು, ತಾಯಿ ಮಂಜುಳಾ ಜೊತೆ ಜಮೀನಿಗೆ ತೆರಳಿದ್ದ ಕವನ ಮೃತಪಟ್ಟಿದ್ದಾಳೆ. ಅವರೆ ಕಾಯಿ ಬಿಡಿಸುವ ವೇಳೆ ಹಿಂದಿನಿಂದ ಏಕಾಏಕಿ ಆನೆ ದಾಳಿ ಮಾಡಿದೆ, ಸೊಂಡಿಲಿನಿಂದ ಇಬ್ಬರನ್ನೂ ಎತ್ತಿ ಆನೆ ಬಿಸಾಡಿದ್ದು ಈ ಘಟನೆಯಲ್ಲಿ ಕವನ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ, ತಾಯಿ ಮಂಜುಳಾಗೆ ಗಂಭೀರ ಗಾಯವಾಗಿದೆ. ಗಾಯಾಳು ಮಂಜುಳಾಗೆ ದಾವಣಗೆರೆ ಜಿಲ್ಲಾ ಆಸ್ಪತ್ರೆಯ ತುರ್ತು ನಿಗಾ ಘಟಕದಲ್ಲಿ ಚಿಕಿತ್ಸೆಯನ್ನು ನೀಡಲಾಗುತ್ತಿದೆ.