ಸೃಷ್ಟಿ ಕಾಲೇಜಿನಲ್ಲಿ ಫೆ. 24 ರಂದು ಮಿನಿ ಕದಂಬ ಜ್ಞಾನ ಕಣಜ ಪುಸ್ತಕ ಬಿಡುಗಡೆ ಕಾರ್ಯಕ್ರಮ

ಸಿಂಧನೂರು: ಕದಂಬ ಸ್ಪರ್ಧಾತ್ಮಕ ತರಬೇತಿ ಕೇಂದ್ರದ ವತಿಯಿಂದ ತಾಲ್ಲೂಕಿನ ಸೃಷ್ಟಿ ಕಾಲೇಜಿನಲ್ಲಿ ಫೆ.24ರ ಮಧ್ಯಾಹ್ನ 2 ಗಂಟೆಗೆ ಸ್ವಾಗತ ಸಮಾರಂಭ ಮತ್ತು ಮಿನಿ ಕದಂಬ ಜ್ಞಾನ ಕಣಜ ಪುಸ್ತಕ ಬಿಡುಗಡೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಕಾರ್ಯಕ್ರಮದಲ್ಲಿ ಸೃಷ್ಟಿ ಪದವಿ ಪೂರ್ವ ಕಾಲೇಜಿನ ಪ್ರಾಚಾರ್ಯರಾದ ವಿರುಪಣ್ಣ ಜಿ.ಚನ್ನಳ್ಳಿ ಅವರ ಅಧ್ಯಕ್ಷತೆಯಲ್ಲಿ ಮನುಜಮತ ಬಳಗ ಹಾಗೂ ಅನಿಕೇತನ ಕಾಲೇಜು ಅಧ್ಯಕ್ಷರಾದ ಡಿ.ಹೆಚ್.ಕಂಬಳಿ ಅವರು ಉದ್ಘಾಟಿಸಲಿದ್ದಾರೆ.

ಮುಖ್ಯ ಅತಿಥಿಗಳಾಗಿ ಕೆ.ಎ.ಎಸ್ ಅಧಿಕಾರಿಗಳಾದ ಮಲ್ಲಯ್ಯ, ಅತಿಥಿಗಳಾಗಿ ಶಂಕರ್ ವಾಲಿಕಾರ, ಬಸವರಾಜ್.ಎಲ್.ಚಗರಿ, ಅಶೋಕ ಗುಡದೂರು ಆಗಮಿಸಲಿದ್ದಾರೆ.
ಕದಂಬ ಅಕಾಡೆಮಿ ನಿರ್ದೇಶಕರಾದ ರಮೇಶ ಹಲಗಿ ಪ್ರಾಸ್ತವಿಕ ನುಡಿಗಳನ್ನಾಡಲಿದ್ದಾರೆ. ಶರಣಕುಮಾರ ಹಲಗಿ, ಶಿವರಾಜ ಗುಡಗಲದಿನ್ನಿ ಸೇರಿದಂತೆ ಮತ್ತಿತರರು ಉಪಸ್ಥಿತರಿರುವರು ಎಂದು ಪ್ರಕಟಣೆ ತಿಳಿಸಿದೆ.
ಈ ವೇಳೆ ಸಹಾಯಕ ಸರ್ಕಾರಿ ಅಭಿಯೋಜಕರಾದ ಬೂದಿ ನಾಗರಾಜ್ ಅವರ ಪುಸ್ತಕ ಬಿಡುಗಡೆ ಕಾರ್ಯಕ್ರಮವು ನಡೆಯಲಿದೆ.