ಎಂ ಎಸ್ ಬಿ ಕಾಲೇಜಿನ ಬಡ ವಿದ್ಯಾರ್ಥಿಗಳ ನಿಧಿಯಿಂದ ಬಡ ವಿದ್ಯಾರ್ಥಿಗಳಿಗೆ ಚೆಕ್ ವಿತರಣೆ

ದಾವಣಗೆರೆ: ಜನವರಿ 26, 2022 ರಂದು ನಡೆದ 73ನೇ ಗಣರಾಜ್ಯೋತ್ಸವ ದಿನದಂದು ನಡೆದ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಶರಣ ಮಾಗನೂರು ಸಂಗಮೇಶ್ವರ ಗೌಡರು, ದಾನಿಗಳು ಹಾಗೂ ಅಧ್ಯಕ್ಷರು, ಕಾಲೇಜು ಶಿಕ್ಷಣ ಮಂಡಳಿ, ಮಾಸಬ ಕಲಾ ಮತ್ತು ವಾಣಿಜ್ಯ ಕಾಲೇಜು ಆಗಮಿಸಿ ವಿದ್ಯಾರ್ಥಿಗಳಿಗೆ ಗಣರಾಜ್ಯೋತ್ಸವದ ಕುರಿತು ಹಾಗೂ ಬಡ ವಿದ್ಯಾರ್ಥಿಗಳ ನಿಧಿಯನ್ನು ಚೆಕ್ ಮೂಲಕ ವಿತರಿಸಿ ಹಿತನುಡಿಗಳನ್ನು ಆಡಿದರು. ಹಾಗೆಯೇ ಹಳೆ ವಿದ್ಯಾರ್ಥಿಗಳ ಸಂಘದ ಅಧ್ಯಕ್ಷರಾದ ಇಂದೂದರ್ ಮಠ್ ಅವರು ಮತ್ತು ಶ್ರೀ ಬಸವರಾಜ್ ಇ ಕಾರ್ಯದರ್ಶಿಗಳು ಬಡ ವಿದ್ಯಾರ್ಥಿಗಳ ಕುರಿತು ಮಾತನಾಡಿ ವಿತರಿಸಿದ ಹಣವನ್ನು ಸದುಪಯೋಗ ಮಾಡಿಕೊಳ್ಳಬೇಕೆಂದು ತಿಳಿಸಿದರು.

ಕಾಲೇಜಿನ ಪ್ರಾಚಾರ್ಯರಾದ ಪ್ರೊ. ಬಸಪ್ಪ.ಎ.ಡಿ, ಅವರು ಅಧ್ಯಕ್ಷತೆಯ ನುಡಿಗಳನ್ನು ಆಡಿದರು. ಈ ಸಂದರ್ಭದಲ್ಲಿ ಎ ಕ್ಯೂ ಎ ಸಿ ಸಂಯೋಜಕರಾದ ಪ್ರೊ.ಕೆ.ಸಂಪಿಗೆನಾರಾಯಣರಾವ್, ಡಾ.ವಿಜಯಕುಮಾರ್.ಎ.ಬಿ. ಡಾ.ಪ್ರವೀಣ್ ಕುಮಾರ್.ಓ ಪ್ರೊ.ಎಂ.ಮಂಜಪ್ಪ ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಕುಮಾರಿ ಯಾಸೀನ್ ಎ ನಿರೂಪಿಸಿದರು.