Murder Viral Video: ಚನ್ನಗಿರಿ ಪಟ್ಟಣದಲ್ಲಿ ಹಾಡಹಗಲೇ ಚಾಕುವಿನಿಂದ ಚುಚ್ಚಿ ಚುಚ್ಚಿ ಕೊಲೆ.!

ದಾವಣಗೆರೆ : ಹಾಡಹಗಲೇ ಖಾಸಗಿ ಬಸ್ ಏಜೆಂಟ್ ಒಬ್ಬರನ್ನು ಚಾಕುವಿನಿಂದ ಚುಚ್ಚಿ ಕೊಲೆ ಮಾಡಿರುವ ಘಟನೆ ಚನ್ನಗಿರಿ ಪಟ್ಟಣದ ಅಜ್ಜಿಹಳ್ಳಿ ವೃತ್ತದಲ್ಲಿ ನಡೆದಿದ್ದು ವಿಡಿಯೋ ವೈರಲ್ ಆಗಿದೆ.

ಮೃತ ವ್ಯಕ್ತಿ ಜಾಕೀರ್ ಎನ್ನಲಾಗಿದ್ದು ಕೊಲೆಗೆ ವೈಯಕ್ತಿಕ ನಿಖರವಾದ ಕಾರಣ ತಿಳಿದುಬಂದಿಲ್ಲ. ಸಲೀಂ ಎಂಬ ವ್ಯಕ್ತಿ ಈ ಕೊಲೆ ಮಾಡಿದ್ದು ಈತ ವೃತ್ತಿಯಲ್ಲಿ ಹಮಾಲಿಯಾಗಿದ್ದ.
ಬೆಳ್ಳಂ ಬೆಳಗ್ಗೆ ಚನ್ನಗಿರಿ ಪಟ್ಟಣದಲ್ಲಿ ಕೊಲೆ ಮಾಡಲಾಗಿದೆ. ಚಾಕುವಿನಿಂದ ಚುಚ್ಚಿ ಚುಚ್ಚಿ ಕೊಲೆ ಮಾಡುತ್ತಿರುವುದನ್ನು ಸ್ಥಳೀಯರು ನೋಡುತ್ತಿದ್ದರು ಬಿಡಿಸುವ ಸಾಹಸಕ್ಕೆ ಯಾರು ಕೈ ಹಾಕಿಲ್ಲ. ಕೊನೆ ಪಕ್ಷ ತಡೆಯುವ ಪ್ರಯತ್ನ ಮಾಡಿದ್ದರೆ ಜೀವ ಉಳಿಸಬಹುದಾಗಿತ್ತು ಎನ್ನಲಾಗಿದೆ.

ಈ ಘಟನೆಯಿಂದ ಪೊಲೀಸ್ ಇಲಾಖೆಗೆ ಕಾರ್ಯ ನಿರ್ವಾಹಿಸಬೇಕಾದ ವಿಧಾನವನ್ನ ಬದಲಾವಣೆ ಮಾಡಿಕೊಳ್ಳುವ ಅನಿವಾರ್ಯತೆ ಖಂಡಿತ ಇದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಯಾರ ಭಯವಿಲ್ಲದೆ ಹಾಡುಹಗಲೇ ಎಲ್ಲರ ಮುಂದೆ ಕೊಲೆ ಮಾಡುವ ದುಸ್ಸಾಹಸಕ್ಕೆ ಕೈಹಾಕಿದ್ದಾರೆಂದರೆ ಪೊಲೀಸ್ ಇಲಾಖೆ ಚಿಂತಿಸಬೇಕಿದೆ. ಸದ್ಯ ಕೊಲೆ ಮಾಡಿದ ಆರೋಪಿಯನ್ನ ಚನ್ನಗಿರಿ ಪೊಲೀಸ್ ಬಂಧಿಸಿದ್ದು ವಿಚಾರಣೆ ನಡೆಸುತ್ತಿದ್ದಾರೆ.

garudavoice21@gmail.com 9740365719