ಪ್ರವಚನ ಮಧ್ಯೆ ಸ್ವಾಮೀಜಿಗೆ ಹೃದಯಾಘಾತ.! ಬಸವಯೋಗ ಮಠದ ಸಂಗನಬಸವ ಸ್ವಾಮೀಜಿ ಲಿಂಗೈಕ್ಯ
ಬೆಳಗಾವಿ: ಪ್ರವಚನ ಮಾಡುತ್ತಿರುವಾಗಲೇ ತೀವ್ರ ಹೃದಯಾಘಾತಕ್ಕೊಳಗಾಗಿ ಬೆಳಗಾವಿ ಜಿಲ್ಲೆಯ ಗೋಕಾಕ್ ತಾಲೂಕಿನ ಬಸವಯೋಗ ಮಂಟಪ ಟ್ರಸ್ಟ್‌ನ ಬಳೋಬಾಳ್ ಮಠದ ಸಂಗನಬಸವ ಮಹಾಸ್ವಾಮೀಜಿ ಸ್ಥಳದಲ್ಲಿಯೇ ಲಿಂಗೈಕ್ಯರಾಗಿರುವ ಘಟನೆ ನಡೆದಿದೆ.
ಆರೋಗ್ಯವಾಗಿಯೇ ಇದ್ದ ಶ್ರೀಗಳು ಕಾರ್ಯಕ್ರಮವೊಂದರಲ್ಲಿ ಪ್ರವಚನ ಕೊಡುತ್ತಿದ್ದ ವೇಳೆ ಹಠಾತ್ ಹೃದಯಾಘಾತ ಸಂಭವಿಸಿ ನೋಡುನೋಡುತ್ತಿದ್ದಂತೆ ಕೊನೆಯುಸಿರೆಳೆದಿದ್ದಾರೆ.
ಪ್ರವಚನ ಕೇಳಲು ಅಲ್ಲಿ ನೆರೆದಿದ್ದ ಭಕ್ತರು ವೀಡಿಯೋ ಮಾಡುತ್ತಿದ್ದರು. ವೀಡಿಯೋ ದಲ್ಲಿನ ಸಂಪೂರ್ಣ ಚಿತ್ರಣ ಭಕ್ತರ ಮನಕಲುಕುವಂತೆ ಮಾಡಿದೆ.
ರಾಜ್ಯದ ಜನರು ಇನ್ನೂ ಪುನೀತ್ ರಾಜಕುಮಾರ್ ಅವರ ಗುಂಗಿನಿಂದ ಆಚೆಬಂದಿಲ್ಲ. ಈಗ ಇಂತಹ ಪ್ರಕರಣಗಳನ್ನು ಕಂಡು ಮೌನರೋಧನೆ ಅನುಭವಿಸುತ್ತಿದ್ದಾರೆ.
ಪ್ರವಚನ ಮಧ್ಯೆ ಸ್ವಾಮೀಜಿಗೆ ಹೃದಯಾಘಾತ.! ಬಸವಯೋಗ ಮಠದ ಸಂಗನಬಸವ ಸ್ವಾಮೀಜಿ ಲಿಂಗೈಕ್ಯ
