ಪದವಿ ಪಲಿತಾಂಶ ಘೊಷಿಸಿದ ರಾಜ್ಯದ ಏಕೈಕ ವಿಶ್ವವಿದ್ಯಾಲಯ
ದಾವಣಗೆರೆ: ಪದವಿ ಪರೀಕ್ಷೆಗಳು ಮತ್ತು ಮೌಲ್ಯಮಾಪನವನ್ನು ಯಶಸ್ವಿಯಾಗಿ ಮುಗಿಸ, ಫಲಿತಾಂಶಗಳನ್ನು ಘೋಷಿಸಿದ ರಾಜ್ಯದ ಏಕೈಕ ವಿಶ್ವವಿದ್ಯಾಲಯವಾಗಿ ದಾವಣಗೆರೆ ವಿವಿ ಹೊರಹೊಮ್ಮಿದೆ.
ಈ ಕುರಿತು ಮಾತನಾಡಿರುವ ದಾವಿವಿಯ ಕುಲಸಚಿವೆ (ಪರಿಕ್ಷಾಂಗ) ಪ್ರೊ. ಅನಿತಾ ಎಚ್ ಎಸ್., ನಮ್ಮ ದಾವಣಗೆರೆ ವಿಶ್ವವಿದ್ಯಾಲಯದ ಬಿಎ, ಬಿ.ಕಾಂ, ಬಿಬಿಎ, ಬಿಬಿಎಂ, ಬಿಎಸ್‌ಡಬ್ಲ್ಯೂ, ಬಿಸಿಎ ಯುಜಿ ಕಾರ್ಯಕ್ರಮಗಳ ಫಲಿತಾಂಶಗಳನ್ನು ಪ್ರಕಟಿಸಲಾಗಿದ್ದು, ಅತ್ಯಂತ ಯಶಸ್ವಿಯಾಗಿ ಪರೀಕ್ಷೆ ನಡೆಸಿ ಫಲಿತಾಂಶ ಪ್ರಕಟಿಸಿದ ಮೊದಲ ವಿಶ್ವವಿದ್ಯಾನಿಲಯ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ ಎಂದು ಹರುಷ ವ್ಯಕ್ತಪಡಿಸಿದ್ದಾರೆ.
ಉಪಕುಲಪತಿ ಶರಣಪ್ಪ ಹಲಸೆ ಅವರ ಬೆಂಬಲದಿಂದ ಇದು ಸಾಧ್ಯಾವಾಗಿದ್ದು, ಅವರ ಅವಿರತ ಬೆಂಬಲಕ್ಕಾಗಿ ನಮ್ಮ ವಿಭಾಗ ಮತ್ತು ಸಾಫ್ಟ್‌ವೇರ್ ವಿಭಾಗದಲ್ಲಿರುವ ಎಲ್ಲಾ ಪ್ರಾಂಶುಪಾಲರು, ಶಿಕ್ಷಕರು, ನನ್ನ ಸಹೋದ್ಯೋಗಿಗಳ ಸಹಕಾರದಿಂದ ಈ ಯಶಸ್ಸು ನಮ್ಮ ವಿಶ್ವವಿದ್ಯಾನಿಲಯಕ್ಕೆ ಸಿಕ್ಕಿದೆ ಎಂದು ಅವರು ಅಭಿನಂದಿಸಿದ್ದಾರೆ.
