ಬಿ ಜೆ ಪಿ ಬೂತ್ ಮಟ್ಟದ ಅಧ್ಯಕ್ಷರ ಮನೆ ಬಾಗಿಲಿಗೆ ನಾಮ ಫಲಕ: ಶಾಸಕ ಎಸ್.ಎ ರವೀಂದ್ರನಾಥ್ ಚಾಲನೆ

ದಾವಣಗೆರೆ: ಬಿಜೆಪಿ ಕೇಂದ್ರ ಕಚೇರಿ ವತಿಯಿಂದ ದೇಶದ‌ ಪ್ರತಿಯೊಂದು ಬೂತ್ ಮಟ್ಟದ ಅಧ್ಯಕ್ಷರಿಗೆ ಗೌರವ ಸಮರ್ಪಿತವಾಗಿ ಮನೆ ಬಾಗಿಲಿಗೆ ನಾಮ ಫಲಕವನ್ನು ಕಳಿಸಲಾಗಿದ್ದು,‌ ಇಂದು ಸಾಂಕೇತಿಕವಾಗಿ ನಾಮಫಲಕ ಅಂಟಿಸುವ ಮೂಲಕ ಶಾಸಕ ಎಸ್.ಎ ರವೀಂದ್ರನಾಥ್ ಚಾಲನೆ ನೀಡಿದರು.

ಬಿಜೆಪಿ ಕೇಂದ್ರ ಕಚೇರಿ ವತಿಯಿಂದ ವಿತರಿಸಿರುವ ಪಕ್ಷದ ಪ್ರತಿಯೊಬ್ಬ ಅಧ್ಯಕ್ಷರ ಮನೆ ಬಾಗಿಲಿಗೆ ನಾಮ ಫಲಕ ಅಂಟಿಸಿ, ಭಾರತ ಮಾತೆಯ ಪೂಜಾ ಕಾರ್ಯಕ್ರಮ ನಡೆಸಲಾಯಿತು.

ಶಾಸಕ ಎಸ್.ಎ ರವೀಂದ್ರನಾಥ್ ವಾರ್ಡ್ ನಂ.24ರ ಬೂತ್ ಅಧ್ಯಕ್ಷ ಸಿದ್ದು ಅಕ್ಕಿ ಅವರ ಮನೆಗೆ ನಾಮ ಫಲಕ ಹಚ್ಚಿ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ 24 ನೇ ವಾರ್ಡಿನ ಪಾಲಿಕೆ ಸದಸ್ಯ ಪ್ರಸನ್ನ ಕುಮಾರ್, ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಹನುಮಂತಪ್ಪ, ಪದ್ಮನಾಭ ಶೆಟ್ರು, ನಳಿನಿ ಪವಾರ್, ಕಿರಣ್, ಶೇಖರ್ ಉಪ್ಪಿನ್, ರೆಣುಕಾ ಪ್ರಸನ್ನ, ಅನಿಲ್, ವಿವೇಕ್, ಸೋಹನ್, ಇತರೆ ವಾರ್ಡ್ ಮುಖಂಡರು ಉಪಸ್ಥಿತರಿದ್ದರು.