ಕಾಂಗ್ರೆಸ್ ಧುರೀಣ ಎ.ಕೆ.ಆ್ಯಂಟನಿ ಪುತ್ರ ಅನಿಲ್ ಬಿಜೆಪಿ ಸೇರ್ಪಡೆ

ದೆಹಲಿ: ಹಿರಿಯ ಕಾಂಗ್ರೆಸ್ ನಾಯಕ ಕೇರಳ ಮಾಜಿ ಸಿಎಂ ಎ.ಕೆ.ಆಂಟನಿ ಪುತ್ರ ಅನಿಲ್ ಆಂಟನಿ ಬಿಜೆಪಿ ಸೇರಿದ್ದಾರೆ. ಎ.ಕೆ.ಆ್ಯಂಟನಿ ಅವರು ಸೋನಿಯಾ ಕುಟುಂಬಕ್ಕೂ ಆಪ್ತರು. ಆ್ಯಂಟನಿ ಪುತ್ರ ಅನಿಲ್ ಕೂಡಾ ಕೇರಳ ಪ್ರದೇಶ ಕಾಂಗ್ರೆಸ್‌ನಲ್ಲಿ ಪ್ರಭಾವಿ ನಾಯಕರಲ್ಲೊಬ್ಬರಾಗಿದ್ದರು.
ಕೇರಳ ಪ್ರದೇಶ ಕಾಂಗ್ರೆಸ್‌ನ ಸಾಮಾಜಿಕ ಮಾಧ್ಯಮ ವಿಭಾಗವನ್ನು ಅನಿಲ್ ಆ್ಯಂಟನಿ ಮುನ್ನಡೆಸುತ್ತಿದ್ದರು. ಕೆಲ ಸಮಯದ ಹಿಂದೆ ಬಿಬಿಸಿ ಮಾಧ್ಯಮವು ಪ್ರಧಾನಿ ನರೇಂದ್ರ ಮೋದಿಯವರನ್ನು ಗುರಿಯಾಗಿಸಿ ಸಾಕ್ಷ್ಯಚಿತ್ರವನ್ನು ಪ್ರಸಾರ ಮಾಡಿದ ಸಂದರ್ಭದಲ್ಲಿ ಅನಿಲ್ ಆ್ಯಂಟನಿ ಅವರು ಪ್ರಧಾನಿ ಮೋದಿಯವರ ಪರವಾಗಿ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಬಿಬಿಸಿಯ ಸಾಕ್ಷ್ಯಚಿತ್ರವು ಭಾರತದ ವಿರುದ್ಧ ಪೂರ್ವಾಗ್ರಹ ಎಂಬುದಾಗಿ ಅನಿಲ್ ಆ್ಯಂಟನಿ ಬಣ್ಣಿಸಿ ಕಾಂಗ್ರೆಸ್ ಪಾಳಯದಲ್ಲಿ ಸಂಚಲನ ಸೃಷ್ಟಿಸಿದ್ದರು.

ಇದೀಗ ಅವರು ಕಾಂಗ್ರೆಸ್ ತೊರೆದು ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆ. ಕೇಂದ್ರ ಸಚಿವರಾದ ಪಿಯೂಷ್ ಗೋಯಲ್ ಮತ್ತು ವಿ ಮುರಳೀಧರನ್ ಹಾಗೂ ಬಿಜೆಪಿ ಹಿರಿಯ ನಾಯಕರ ಸಮ್ಮುಖದಲ್ಲಿ ಅನಿಲ್ ಆಂಟನಿ ಅವರನ್ನು ಬಿಜೆಪಿ ಧುರೀಣರು ಗುರುವಾರ ತಮ್ಮ ಪಕ್ಷಕ್ಕೆ ಬರಮಾಡಿಕೊಂಡರು.