ಫೋಟೋಗ್ರಾಫರ್ ಯೂತ್ ವೆಲ್ಫೇರ್ ಅಸೋಸಿಯೇಶನ್ ನಿಂದ ಸ್ಟೂಡಿಯೋ ಪ್ರಾರಂಭಕ್ಕೆ ಅನುಮತಿಗಾಗಿ ಡಿಸಿಗೆ ಮನವಿ
![](https://garudavoice.com/wp-content/uploads/2021/06/photographer-association-memorandom.jpg)
ದಾವಣಗೆರೆ; ಫೋಟೊ ಸ್ಟುಡಿಯೋ ಪ್ರಾರಂಭಕ್ಕೆ ಅನುಮತಿ ನೀಡಬೇಕೆಂದು ಫೋಟೋಗ್ರಾಫರ್ ಯೂತ್ ವೆಲ್ಫೇರ್ ಅಸೋಸಿಯೇಷನ್ ಸದಸ್ಯರು ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು. ಕೊರೋನಾದಿಂದಾಗಿ ಈಗ ಸುಮಾರು ಎರಡು ತಿಂಗಳಿಂದ ಕೆಲಸವಿಲ್ಲದೇ ಛಾಯಾಗ್ರಾಹಕರು
ದಿನ ದೂಡುವುದು ಕಠಿಣವಾಗಿದೆ . ಸ್ಟುಡಿಯೋಗಳಲ್ಲಿ ನಮ್ಮ ಪ್ರಿಂಟರ್ ಕ್ಯಾಮರಾ ಮುಂತಾದ ಎಲೆಕ್ಟ್ರಾನಿಕ್ ವಸ್ತುಗಳು ಹಾಳಾಗಲಿವೆ . ಸ್ಟುಡಿಯೋದಲ್ಲಿ ಆಗಲಿ ಹೊರಗಡೆ ಆಗಲಿ ನಾವುಗಳು ಎರಡು ಮೀಟರ್ ದೂರದಿಂದಲೇ ಫೋಟೋ ತೆಗೆಯುತ್ತೇವೆ, ನಾವುಗಳು ಕೊರೋನಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತೇವೆ . ದಯಮಾಡಿ ಸ್ಟುಡಿಯೋ ಬಾಗಿಲು ತೆರೆಯಲು ಅನುಮತಿ ನೀಡಬೇಕೆಂದು ಮನವಿ ಮಾಡಿದರು. ಈ ವೇಳೆ ಸಂಘದ ಸದಸ್ಯರು ಹಾಜರಿದ್ದರು.